29.10.06

發展過甚麼?

上星期看杜琪峰接受甘國亮的訪問,談到藝發局和整個創作氣候,雖然老生常談(老早講過我們沒有新血,杜sir話齋:「啲新人硬係撻唔著火。」),但說話出自一個局內人口中,始終有擲地有聲的感覺。說他囂張也好不可一世也好,事實就是事實,不容否認。

說來諷刺,我雖然在做切雞,但跟美藝有關的學科幾乎都只發生於六年的小學生涯。上到中學,美術根本是可有可無的一科,連美術學會都是由一群立心不良、只懂畫火柴人的契弟組成(簡直是一個預告!),去到中三,課程甚至刪走了這個學科。藝術創作根本未被重視過,談甚麼「文化氛圍」?連個像樣的文化中心和美術館也沒有,審美眼光和鑿賞能力自小已經發育不健全,從未被開發過,攪到大家醜怪當漂亮,肉麻當有趣。

說到藝術發展,前人講來講去就是要官府灌水、資助。施政報告發出來,連演藝界阿姐都公開說四千萬太少 。請容我跟杜sir口水尾,現在不是表演場地多寡、資金長短問題,問題是大家想點?官府有沒有一個長遠計劃去發展本地創作?不要亂講甚麼「香港流行文化產業在區內一直佔領先地位」的廢話,領先地位不是自己話係就係,領先甚麼?領先醜?領先抄襲?領先乏味?簡直笑死狗。不敢講藝發局有份俾錢的全是劣貨,但大家有眼睇,根本乜都得,全無標準可言。說政府孤寒?喂闊佬也不見得攪到好東西出來呀。所以不要說四千萬少,四千蚊我都嫌多,反正一直對錯症落錯藥,何況患病的先天性營養不良,再多時間金錢都是費時失事。

正如杜sir在訪問開首所講,個人力量與信念非常重要。尤其在如此環境下,更加相信這句說話的價值。

相關資料:
屍政報告
偽發局

4 Comments:

Blogger 莘莘學子 said...

其實,諗嚟諗去諗咗咁多年,我越嚟越 confused ! 究竟康港點解硬要勉強地去攪所謂「藝術發展」呢?有需要嗎?「藝術發展」究竟對康港有何重要呢?有必要嗎?五十萬人上街要求過嗎?... ... 如果,理由就係偽髪焗所講嘅乜乜「... ... 鼓勵社會各界積極參與,從而提升巿民素質,並藉著推動文化創意產業,配合本港的經濟發展」,堂皇地講到尾都係為咗錢錢錢錢,發錢寒下去,... ... 我諗,有必要先 define 一下偽髪焗所指的藝術,英文 art,是甚麼呢!

學子自幼稚園喺康港勞作手工到今天遠赴英倫學藝兩載,印象中,「art」在港人心目中的聯想,多與「呃」、「呃錢」、「乜你咁得閒?」、「值幾錢先?」有關 ... ... 其他良性嘅聯想唔係冇,只係較罕見或小眾吧。

29/10/06 09:47  
Blogger 大6果/觀鳥家 said...

本人強烈支持藝發局摺埋!

31/10/06 11:34  
Blogger 渣估 said...

剛由大6果牽頭黎左呢個blog! 正!

31/10/06 13:04  
Blogger 莘莘學子 said...

摺埋?!唔得 ~~~ ,會有好多人失業㗎!

31/10/06 23:51  

Post a Comment

<< Home