2.6.06

見Jill出蕉

當一眾補習大帝皇太后都力求完美,非要把自己的宣傳品變成電影、唱片和演唱會海報不可時,Jill姑娘竟然反其道而行。



凌亂中見整齊,乾淨裡見繽紛,文案簡潔而有力,大家豈能忍手而不繼續"Hit Me"?

歌手大碟銷量強差人意不是罪過,打蛇隨棍上這招也未嘗不可,但要玩為何又不去盡,用真的雜誌封面還不是更有說服力?若是怕為雜誌賣了廣告或是版權甚麼的,打格close up迫爆怎樣也好,總有方法解決,就算要扮亦懇請放認真點,現在得了個用Word排出來的街坊福利會環島一日遊。

真跡連Logo都「起晒格」,彷彿在告訴我們,最有創意的大中小學生,都開始了漫長的暑假。

16 Comments:

Blogger 莘莘學子 said...

呢張乜嚟㗎?唱片公司宣傳 poster?唔係 fa?!

{{ : O

2/6/06 10:25  
Blogger 陳書 said...

Sorry冇提大家,雖然唔係poster,不過係o係某潮誌出現o既full page唱片公司宣傳稿。

2/6/06 17:00  
Blogger 莘莘學子 said...

康港果然係一個富彈性嘅彈丸之地!包容胸襟竟然廣到咁,全民皆 designer 之餘,仲乜都有市場乜到有人 buy,身為未來康港切雞界的小棟樑,只希望上層優質市場都會好似下層市場咁,咁百花齊放,咁有空間!

3/6/06 07:55  
Blogger 朋友 said...

明顯係《四大天王》惹的禍,家陣佢地開始愛玩呢招。以前係響果頭食唔好響果頭痾,家陣係d友響果道痾就響果處食返,用你套遊戲規則同你反,有心對抗但好消極。點都好,呢算野真係好地獄。要玩,真係不如玩盡些少。

3/6/06 15:25  
Anonymous carol said...

HK guys seems non sense.............every thing can make noise! 真係痾屎吾出都可以上頭條!

3/6/06 23:22  
Blogger 莘莘學子 said...

天神村一條嘛 ~~~!

4/6/06 07:40  
Blogger domting said...

如果「廣告」的作用是吸引視線的話,jill姑娘呢招就真煞食。我第一眼望到真係打個突...我以為出錯野。

5/6/06 02:42  
Blogger 莘莘學子 said...

咁又係呀!成日喺度諗,呢類篤眼篤鼻嘢若果真係 work,成本低之外 (零 design cost),又 sell 到件 product,有乜壞啫?最多只係帶來點點嘅視覺汚染 (可能仲只係對小數人而言),對客對消費者都好似百利而無一害吖!

康港文化,短線投資搵快錢,拿拿臨食一水,賺一筆,又捧過第二個新人,快靚正。攪認真 design,深層文化建立?始終要睇受眾,要睇市場。

5/6/06 05:19  
Anonymous laika-6 said...

個感覺好似老闆想慳錢所以搵個marketing既o靚妹快快趣攪掂佢, 我估佢用word砌多 haha

5/6/06 10:18  
Blogger 莘莘學子 said...

個 marketing 𡃁妹可能都手持「專業平面設計高級文憑」和一部超強勁麥金塔 MacBook Pro 呢!

5/6/06 20:46  
Blogger 陳書 said...

哈哈!對對對!
亦有可能係好有橋同埋有好高o既設計學歷,但係老闆冇錢請artist砌,於是要o靚妹用私伙MacBook,點知平時係用o黎收Email覆MSN多......

真係乜人都有。

6/6/06 23:26  
Blogger 莘莘學子 said...

錢唔係冇,只不過係唔覺得要花錢喺設計度啫,又唔見佢唔响雜誌買位落廣告,慳錢地搵幾個雙失喺街頭派影印紙算數!?(一萬幾千做個靚稿,對於一間唱片公司,有幾多錢呀?)

7/6/06 00:30  
Blogger 陳書 said...

咁又係,呢間有冇米就真係唔知,拖人數拖四五個月,真係唔多肯俾錢落Design度。

更正:有可能係好有橋同埋有好高o既設計學歷,但係老闆唔肯俾錢請artist砌,於是要o靚妹用私伙MacBook,點知平時係用o黎收Email覆MSN多......

7/6/06 01:53  
Blogger 莘莘學子 said...

到呢類客肯俾錢時,又會因先天性唔識貨,搵着個也也烏所謂 designer,到頭來,可能一樣會出個差不多嘅地獄稿 ... ... 惡性循環。

呢個世界上,有啲人,係唔配擁有好 design 的。

7/6/06 03:14  
Blogger 陳書 said...

十分同意,到老闆肯俾錢,就覺得付出多o左,要話事自己做designer,真正designer只係變左佢對手。

不過好多老闆唔肯俾錢都當正自己係designer......辛苦晒佢地。

7/6/06 12:40  
Anonymous 吳好媞 said...

我都做過唱片,但真係唔能夠想像個Industry竟然淪落至如此地步...
希望切雞Industry唔會有咁既一日...

3/7/06 19:40  

Post a Comment

<< Home