媚外行動
本埠地產廣告，素喜提供假像，或法國南部歸園田居氣息、或小甜甜時代背景騎馬射雀貴族風、或中產時尚大都會感覺，努力露造一種高價貨氣氛，而且例牌愛以洋人做主角，重覆上世紀八十年代港片那種洋人住洋樓養番狗的可笑謬誤(是因為殖民地的問題嗎?)，矮化自己之餘亦矮化別人 — 別以為洋人會受這套，跟一個留港多年的英國客人談過，他們一樣覺得這類偽貴氣的廣告可笑白痴，甚至一樣覺得侮辱。以為洋人個個有錢、以為洋人個個貴氣、以為洋人個個氣派、以為外國月亮特別圓，香港人在這種觀念問題上好像從沒進步過......
賣樓就賣樓，甚麼延續經典？甚麼稀世傳奇？九唔搭八，以為拍賣古文物
賣樓就賣樓，甚麼延續經典？甚麼稀世傳奇？九唔搭八，以為拍賣古文物
posted by 朋友 at 21:37
15 Comments:
是因為殖民地的問題嗎? 但大陸都興呢套架喎
「帝」、「皇」觀念響華人心中重係好重，封建體制幾千年，搣都唔甩 (會考不舉人將課程入面孔乙己背到滾瓜爛熟就變成狀元呢樣已經係之一) 。之但係對上我地既所謂皇朝又唔係漢族皇朝，而且又寒酸又窮，仲輸得極奇樣衰，維新失敗又搞到自己窮足上百年。人家洋人的洋鎗洋砲洋狗洋樓又有多D氣派，我地自己無咯，咪恨囉。
架仔都興用鬼佬，當然唔係講樓盤啦.....最近連台灣都跟埋。
同埋睇過報導，而家大部份(起碼一半)買同炒本地樓o既都係大陸人，有人夠膽死一o野就入十幾間豪宅。
我諗係賣果d冇乜腦，買果d又其實唔多理d廣告啦，純萃係地產/廣告商想滿足一下創作慾，佢唔用stock photo都叫做出過下力，哈哈「延續經典」，佢地可能真係以為自己賣緊古文物。
剛發現電車男第一集都有用洋人扮high class...
唔通見到洋人就會high D?
不過對比之下，廣告一搵大陸人，又立即會low 曬。
你好,我看了你這文有感而發,記起一個自己的經歷,在自己的blog 寫了一文,連結了你的blog 和你這篇文章,藉此通知,希望不要介意, 謝~
我成日做野既時候都覺得好噁心...
成日懶貴氣咁...試問上水的四百呎樓點會有貴族住呀!!!
仲有...
所有樓都係叫「豪」、「皇」、「富」、「帝」、「庭」、「君」...
你煩唔煩呀 ???
搞笑係實用面積唔夠400呎，所謂洗完衫都無地方晾都可以叫「後灣豪庭」咁，難道因為住「豪」宅所有衫都係唔駛洗，即用即棄!?嘿嘿
-grace，無任歡迎呀，你那個個案也非常有趣；其實佢個brief可以set得有趣啲，西化無妨，但無理由定咁多框架俾你哋，更加無理由幫你哋作埋故仔。但我想知結果你哋真係全班都跟佢個brief做？
-我記得奀年前去上海都見過啲adv係秋官扮皇帝賣樓。
係乜嘢心態呢？我成日唔清楚真係有求有供定有供有求。 「帝」、「皇」觀念響華人心中重係好重<--到家陣都仲係?? 把口噏下都無妨，但如果真係有人投射自己落去都幾恐佈。
有次經過何文田半山的一個豪宅，個大鐵閘有個好似人地d皇室logo，嘩，嘔死我！我一定有錢都唔會住囉。
唔知啲實Q會唔會著到御林軍咁款？我覺得一係唔扮，要扮就最好扮到足，方便大家入戲。
一年八個月二十幾度又熱又濕，著到御林軍個頭唔生熱痱都好難喎
"Invigorate, indulge & luxuriate..." How about INFURIATE??
近排新樓盤都興叫"XX道YY號",係咪(扮)反樸歸真呢?
還記得香港的樓盤廣告有一段很長的時期都是以幸福家庭生活為題嗎？其實，買家是誰，廣告就跟誰說話。這些岸居豪庭，其實是要滿足某些暴發心態。情形如某北京豪宅大門外有作御林軍打扮的保安一樣令人失笑。
Post a Comment
<< Home