Decision Making 之郵票

據知，康港郵票設計係以政府慣常用的「外判投標」方式來決定委派誰做來設計的，除「設計質素」(如果有的話) 外，「價低者得」則屬常見 (我們政府多廉潔！)。可能少數「名家系列」，如「麥嘜系列」，會以「邀請」方式請特定人選來做。但一般情況下，都在「低成本」的框架下製成。

當然，低成本不等於差設計。有幸參與一個政府的郵票設計 (雖未如設計抄票般巴閉)，的確可以為個人或公司的 CV 生色不少 (如果設計得似樣的話)。可是，長期在如此的「設計不平等條約」下，有幾多好設計可以「低成本又高質素」，可以「唔係堆砌式 computer graphic」，可以「唔係下下 cutie 公仔加醜 typo」呢？相信郵政局的 portfolio 已說明一切了。(奇怪，前電腦時代的設計比現在的好。)

大英帝國的郵票設計世界知名，人見人愛，睇見都想儲。唔知人哋又係咪行「投標制」嘅呢？如果唔係，咁，呢個「港英地雷」，真係大囉！