23.5.06

人肉羮



想講好耐,康港駕駛學院個新撈稿,十足搵瓷羹畢人肉食咁,好唔文明囉。

21.5.06

媚外行動

本埠地產廣告,素喜提供假像,或法國南部歸園田居氣息、或小甜甜時代背景騎馬射雀貴族風、或中產時尚大都會感覺,努力露造一種高價貨氣氛,而且例牌愛以洋人做主角,重覆上世紀八十年代港片那種洋人住洋樓養番狗的可笑謬誤(是因為殖民地的問題嗎?),矮化自己之餘亦矮化別人 — 別以為洋人會受這套,跟一個留港多年的英國客人談過,他們一樣覺得這類偽貴氣的廣告可笑白痴,甚至一樣覺得侮辱。以為洋人個個有錢、以為洋人個個貴氣、以為洋人個個氣派、以為外國月亮特別圓,香港人在這種觀念問題上好像從沒進步過......



賣樓就賣樓,甚麼延續經典?甚麼稀世傳奇?九唔搭八,以為拍賣古文物

20.5.06

Consistency 之 naming

大尾督、大尾篤、大美督、大美篤、大鎂督、大鎂篤、大娓督、大娓篤 ... ...



(先唔講嗰兩個尊貴嘅政府部門撈稿同各種 graphic element 嘅質素。和諧、統一、夾,真係咁難?)

18.5.06

啡鋁罐 ‧ 藍膠樽 ‧ 黃廢紙 ... ... ?!



VO:可能係世界上最令人 confuse 嘅環保分類垃圾桶。

13.5.06

紫外妹妹話你知


「我叫紫外妹妹,又名阿紫,現在跟大家打個照面~」

由06年5月11日起,香港天文台會於每日下午五時後提供翌日的最高紫外線預測,並於天氣家族中加入「紫外妹妹」這個新角色。

天文台指出,紫外線指數預測系統並非外國引入,而是由港人親自開發,整個系統的設計過程由零開始,是繼泰國之後,東南亞第二個推出預測紫外線指數的地方。

由此可見,港人創作力無限,但看來都是遍重實用為主。

Typography 之少女推藝術



VO:可能係世界上最 cutie 嘅藝術推廣辦事處。

11.5.06

門西



毛線啲尺度有時都幾寬鬆,而且成班男人打大赤肋圍住個女性生殖器都幾激。聞說呢個其實係個「閻」字,真係好鬼地獄...
順帶一插,嗰啲成日失驚無神飛出嚟嘅「乜乜差差特約」其實好鬼騷擾,明明古裝戲彈句「以唇服裝特約」出嚟,想點??

10.5.06

吹賬


"扒王之王"之餐桌紙上發現此"懶好笑"的Service. 我諗劉德華都會覺得佢地將服務態度呢家野玩得過左火...

8.5.06

Typography 之每人都有一段醜 typo

入境處設計組同胞:「阿蛇,呢幾行字究意點排列先夠強政厲治呢?」
阿蛇指着電腦螢幕:「嗱,咁咁咁 ... 咁咁咁 ... 咁咁咁吖嘛!死蠢!冇嚟 art sense!」


除套前


除套後

5.5.06

PROMOTION

琴日行經銅鑼灣, 正當等人百無聊賴之際, 望到路中心有數個年青人, 佢地附近正有途人註足拍攝. 遇上這種情況我通常會急步行過再中途睇下有乜咁勁, 唔睇由自可, 一睇........呢隊人原來正在為"禍兄帛化游"做緊鋪毛, 每人手上都揸住D"禾兄帛化游"產品, 包括D油, 更有禾兄旗下的蝠仔毛公仔; 佢地的酸傳動作就係自動自覺每十秒左右自選一個pose, 甚至調位. 當中不乏一D cutie, 呂奇pose. 我迅間只係瞄左一眼心入面已勁出現左數十次"做乜X?"

最後我行過佢地身邊兩次都無影相, 個心都係諗緊"做乜X?"; 由於無習慣影相, 到醒覺地獄曾經係我面前出現, 已經太遲. 回家於是上網睇下有冇reference, 上禾兄帛化游個西睇下, 個心都係諗緊"做乜X?".......極力推介顏生的BGM, 真係"多得你~~~~~~~~", 去唱K都有得揀! click 入去更有蝠仔系列, 但係唔知點解會變左"時尚時裝系列......乜帛化游有出衫咩????

禾兄帛化游:
http://www.whiteflower.com/


廣告:
http://youtube.com/watch?v=pLWp34iMmyQ&search=白花油




禍兄帛化游廣告更有顏生同對手戥耗肛同佢打"羽毛油"; 亦曾經在名豬台看見英文版廣告; 希望大家可已唱番俾我聽係點唱, 因為入面D音真係好難揣摩.

3.5.06

軟得快硬得慢



八達通呢劑都算核突,人哋麥噹噹農曆新年先搵軟硬同大家拜年;你八達通冇budget就算,都唔好搵嗰兩隻已經俾世人遺忙嘅快慢必吖!! Styling又核突(分分鐘都係兩位仁兄嘅鬼主意)、又冇橋、費時失事,齋字稿都冇咁嬲。而且仲躉成疊leaflet響麥噹噹啲收銀處派,真係司馬昭之心,盲人皆知。